Mab an Dig .

3 - Bedig

Diou levrenn gand skridou Biel Elies a oa bet gand Mikael Madeg e fin ar bloaveziou 1980, med chomed 'oa meur a hini diembann. setu anezo, ha ganto eun daolennad a-feson deuz meur a vare dishenvel e buhez Mab An Dig : pa oa beleg e Sant-Pabu - ma ra anezan e-unan "Ar Hannadig" pa gare lakaad ar biz war siou bihan pe braz e barrezianiz. Pa oa tapet gand klenved ar vro er Maghreb, pe, deuet koz, pa veze o toulla kaoz gand Monig, ar garabasenn. Penn-da-benn e vuhez e-neus dalhet eur spered (hag eun teod) deuz al lemma toud, pront da ziskoacha an techou fall, ha da gastiza anezo, en e vrezoned hag a oa deuz ar re vrava peogwir e oa a live uhel; med ive leun a fent c'hwek.